मंसिर २९, काठमाण्डौ । संघीय मामिला तथा सामान्य प्रशासन मन्त्री लालबाबु पण्डितले सरकारले दिएको जिम्मेवारी सबै कर्मचारीले पूरा नगरे कारबाही गर्ने चेतावनी दिएका छन् ।
प्राइम टाइम्स टेलिभिजनको कार्यक्रम जनता जान्न चाहन्छन्मा ऋषि धमलासँग कुरा गर्दै मन्त्री पण्डितले २१ दिनभित्र तोकिएको ठाउँमा पुग्न कर्मचारीलाई निर्देशनसमेत दिए ।
आफू पार्टी नेतृत्वको अनावश्यक दबाबमा नपरी राम्रा काम गर्दै जाने पण्डितले बताए । अपेक्षा गरेअनुसार काम गर्न नसकेको भन्दै तपाईको आलोचना बढेको छ नि भन्ने प्रश्नमा पण्डितले काम गर्न नसके राजिनामा दिने बताए ।
मन्त्रीभएपछि सम्पत्ति जोड्नतर्फ केन्द्रित भएको आरोपको खण्डन गर्दै पण्डितले शंका लागे आफ्नो सम्पत्तिमाथि छानविन गर्न चुनौति दिए ।
