काठमाडौं, ६ पुष। रवि ओड एपीवान टेलिभिजनबाट प्रसारण भइरहेको नेपाल आइडल–२ को विजेता बनेका छन् । फाइनलमा विक्रम बराल, रवि ओड, सुमित पाठक र अस्मिता अधिकारीले प्रतिस्पर्धा गरेका थिए ।
रविले २२ लाख र गोल्डेन माइक पाएका छन् । आइडलको फ्रस्ट रनरअप बिक्रम बराल बने । बरालले २० लाखको चेक पाएका छन् ।
सेकेण्ड रनरअप सुमित पाठक भए । सुमितले १२ लाख बराबरको चेक र ट्रफी पाए । थर्ड रनरअप अर्थात् चौथो अस्मिता अधिकारी भइन् । उनले होन्डाको स्कुटर पाएकी छन् ।
अन्नपूर्ण नेटर्वकका अध्यक्ष क्याप्टेन रामेश्वर थापा, अन्नपूर्ण मिडिया नेटर्वकका ग्रुप सम्पादक विजयकुमार पाण्डे, म्यानेजिङ डाइरेक्टर लक्ष्मी पौडेल, नेपाल आइडलका निर्देशक सुरेश पौडेललगायतले पुरस्कार वितरण गरेका थिए ।
फाइनल कार्यक्रम पुल्चोक इन्जिनियरिङ क्याम्पस पुल्चोकको ग्राउन्डमा भएको थियो । नेपाल आइडलको प्रोजेक्ट हेड सुरेश पौडेल तथा निर्देशकहरू एलन श्रेष्ठ र लोकेश वज्राचार्य छन्। जजमा न्ह्यू बज्राचार्य, इन्दिरा जोशी र कालिप्रसाद बाँस्कोटा छन्।
