चैत २६, काठमाण्डौ । नेपालको एकमात्र त्रिभुवन अन्तर्रा्ष्ट्रिय विमानस्थलको जीर्णोद्धार कार्य सुरु भएको एक हप्ता नहुदै काममा अवरोध भएको छ । गिट्टी ढुवानीमा रोक लागेपछि काममा अवरोध आएको हो । यो संगै आगामी असारमा काम सम्पन्न गर्ने लक्ष्य लिएको त्रिभुवन विमानस्थलको उक्त काम अन्यौलमा परेको छ ।
४३ वर्षपछि पहिलो पटक गत सोमबारदेखि १० घण्टा उडान बन्द गरेर धावनमार्ग जीर्णोद्धारको काम सुरु भएको थियो । तर काभ्रेको रोशी गाउँपालिका ११ र १२ का बासिन्दाले स्थानीय माम्दी खोलाबाट ल्याइँदै आएको गिट्टी ढुवानीमा रोक लगाएपनि काम रोकिएको हो ।
मुलुकको एकमात्र अन्तर्रा्ष्ट्रिय विमानस्थलको ३ हजार ५० मिटर (१० हजार ७ फिट) लामो धावनमार्गको पुरानो पिच उप्काउँदै तीन महिनाभित्र नयाँ राखिसक्नुपर्ने छ । यो अवरोधसंगै धावमार्ग कार्य ३ महिनामा सकिने भनियता पनि केही समय लाग्ने भएको छ । बाइट ः दिपेन्द्र श्रेष्ठ, सूचना अधिकृत, हवाइ यातयात क्षमता अभिवृद्धि आयोजना
अवरोध सुल्झाउन सोमबार नागरिक उड्डयन प्राधिकरणको टोली रोशी गाउंपालिका पुगी स्थलगत अनुगमन गर्दे स्थानीयसंग छलफल पनि गरे ।
तर स्थानीय सहमत नभएपछि गिटी ढुवाडीको काम पुरै ठप्प भएको छ । जसले धावनमार्गको पुननिर्माणको काम अघि बढ्न सकेको छैन । विमानस्थलले भने आफुहरुले स्थानीयलाई मनाउने प्रयास गरीरहेकोले केही दिनमै काम सुचारु हुने बताएका छन् ।
काम सम्पन्न गर्न लागि मात्रै कम्तीमा ३५ हजार घनमिटर क्रसरबाट उत्पादित गिट्टी चाहिने छ । यसै कामका लागि दैनिक २२ घण्टासम्म खुल्दै आएको विमानस्थल चैत १८ देखि असारसम्मका लागि दैनिक १० घण्टा बन्द गराइएको थियो ।
गत वर्ष एसियाली विकास बैंकबाट आएको विमानस्थल विस्तारको लागि आएको ३ अर्व रुपैया अनुदानको सम्झौता समेत रद्ध भएको थियो ।
