असार ३, काठमाण्डौ । प्रतिनिधिसभाको मंगलबारको बैठकमा कांग्रेसले विरोध गरेपछि प्रधानमन्त्री केपी ओलीको सम्बोधन स्थगित भएको छ ।
प्रधानमन्त्री ओलीले संसदमा विशेष सम्बोधन गर्ने कार्यक्रम रहेकामा प्रमुख प्रतिपक्षी कांग्रेसले विरोध गरेको हो । कांग्रेस सांसदहरू आफ्नो सिटबाट उठेर रोष्ट्रम घेराउ गर्न पुगेका हुन् ।
कांग्रेसले पहिला आफ्ना नेताले बोल्न पाउनुपर्ने माग गरेको हो । सभामुख कृष्णबहादुर महराले पछि बोल्न दिन्छु भनेर बारम्बार अनुरोध गर्दा पनि कांग्रेस सांसद नाराबाजी गरे।
त्यसपछि सभामुख कृष्णबहादुर महराले बैठक भोली विहान ११ बजेसम्मका लागि स्थगित गरे ।
संसद बैठक निर्धा्रित समयभन्दा १ घण्टापछि बसेको हो।
