गोलकिपर एलिसा नाहर नायक हुँदा अमेरिकाले महिला विश्वकप फुटबलको सेमिफाइनलमा बेलायतमाथि २-१ को सनसनीपूर्ण जित निकालेको छ । ८४ औं मिनेटमा बेलायतले पाएको पेनाल्टी स्टेम हगटनको प्रहारलाई नाहरले बचाएकी थिइन् ।
निकै प्रतिष्पर्धात्मक खेलमा पहिलो हाफ नै निर्णायक बन्यो । एलेक्स मर्गनले ३४ औं मिनेटमा गोल गरी टोलीलाई जित दिलाइन् । १० औं मिनेटमा अमेरिकाकी प्रेसले गोल गरेकी थिइन् । बेलायतकी व्हाइटले १९ औं मिनेटमा बराबरी गोल गरिन् ।
रोमाञ्चक खेलमा अमेरिकी खेलाडीले उत्कृष्ट खेल प्रदर्शन गर्दै बेलायतलाई रोकेका थिए । फिफा वरियतामा नम्बर एक रहेको अमेरिका विश्वकपको मुख्य दाबेदार देश हो ।
