नाइजेरिया र सेनेगल अफ्रिकी कप अफ नेसन्सको सेमिफाइनलमा पुगेका छन् । २५ असारको राति भएको खेलमा नाइजेरियाले दक्षिण अफ्रिकामाथि २-१ को जीत निकालेको हो ।
खेलको निर्धारित समयको अन्तिम मिनेटमा नाइजेरियाका टुरुस्ट इकङले सानदार गोल गरी टोलीलाई लोभलाग्दो जीत दिलाए । खेलको २७ औं मिनेटमा नाइजेरियाका चुकुवुजेले गोल गरी टोलीलाई अग्रता दिलाएका थिए । दक्षिण अफ्रिकाका जुंगुले ७१ औं मिनेटमा बराबरी गोल गरेका थिए ।
यसैगरी, बेनिनलाई १-० को झीनो अन्तरले पराजित गरी सेनेगल सेमिफाइनलमा पुगेको छ । सेनेगलका लागि गुइयले निर्णायक गोल गरेका थिए । खेलको ६९ औं मिनेटमा गोल गरेपछि बेनिनले आक्रमण जारी राख्यो । तर, भेड्रोन रातो कार्ड पाएर १० खेलाडीमा सिमित बेनिन निराश भयो ।
