साउदी महिलाले पुरुष अभिभावकको अनुमति विना विदेश यात्रा गर्न पाउने नियम लागू भएको छ । २१ अगष्टबाट लागू हुने गरी यो नियम लागू भएको हो । साउदीको राहदानी विभागले २१ बर्ष भन्दा माथिका महिलाका लागि राहदानी जारी गर्न वा नविकरण गर्न र अनुमति बिना राज्य बाहिर यात्रा गर्न आवेदनहरू सुरू गरेको हो । २१ बर्ष भन्दा माथिका साउदी अरेबियामा महिलाले पासपोर्ट प्राप्त गर्न र पुरुष “अभिभावक” को अनुमति बिना विदेश यात्रा गर्न सक्नेछन् ।
इस्लामिक रूढीवादी मुलुक साउदीमा भएको सुधार ३१ जुलाईमा यो घोषणा गरिएको थियो । नयाँ नियम अन्तर्गत साउदी महिलाले आफ्ना पुरुष अभिभावकहरूको स्वीकृति लिई बिना विदेश यात्रा गर्न सक्नेछन् । २१ वर्षको उमेरमा आफैंबाट राहदानीको लागि आवेदन दिन पनि उनीहरूलाई अनुमति छ । सुधारले साउदी महिलालाई यात्राको स्वतन्त्रताको सम्बन्धमा पुरुषको बराबरीमा राखेको छ ।
राहदानी विभागले महिलाको लागि राहदानी नविकरण गर्न र नविकरण गर्न र अनुमति बिना राज्य बाहिर यात्रा गर्न आवेदन प्राप्त गरिसकेको साउदी सञ्चारमाध्यमले जनाएका छन् । यस महिनाको सुरूमै अनावरण गरिएको नयाँ परिवर्तनमा महिलाले अब आफ्नो विवाह, सम्बन्धविच्छेद वा बच्चाहरूको जन्म दर्ता गर्न र पारिवारिक कागजात प्राप्त गर्न सक्नेछन् । महिलाले श्रीमानसँग घरको सह(प्रमुखको रूपमा दर्ता गर्न सक्दछन् जसले उनीहरूलाई साउदी राष्ट्रिय परिचयपत्र सुरक्षित गर्न सजिलो बनाउँदछ । तिनीहरू अब आफ्ना बच्चाहरूको कानुनी अभिभावक पनि हुन सक्दछन् । राजकुमार मोहम्मद बिन सलमानले गरेको सुधारका बावजुद महिलाहरूले कथित अभिभावकको दुरुपयोगबाट बच्न महिलाहरूको उच्च प्रोफाइल प्रयास पछि यो सुधार आएको हो । एजेन्सी
