काठमाडौं १९ भदौ । विश्वकप फुटबलको दोस्रो चरणको खेलमा नेपाल जीतको तयारीमा छ । नेपालले आज कुवेतसँग उसैको भूमिमा प्रतिस्पर्धा गर्दैछ । जाविर अल अहमद अन्तर्राष्ट्रिय रंगशालामा नेपाली समयअनुसार बिहान १० बजेर ४५ मिनेटमा नेपालले कुवेतसँग प्रतिस्पर्धा गर्न लागेको हो ।
२०२२ कतार विश्वकप फुटबल छनोटको दोस्रो चरणको पहिलो खेलमा नेपालले कुवेतसँग प्रतिस्पर्धा गर्न लागेको हो । यसपछि नेपालले यही भदौ २४ गते चाइनिज ताइपेसँग प्रतिस्पर्धा गर्नेछ । विश्वकप छनोटको समूह ‘बी’ मा नेपालसँगै अष्ट्रेलिया, जोर्डन, चाइनिज ताइपेइ र कुवेत छन् ।
