विश्वभर आजपनि बेलायतमा लरी कन्टेनरमा भेटिएको ३९ चिनियाँ नागरिकको शवको खबर प्राथमिकतामा परेको छ । ३१ पुरुष र आठ महिलाको शव चिनियाँ नागरिकको भएको समाचार चीनको टुवीटर जस्तै सिना वेइबोमा पोष्ट भएपछि एक अर्ब पटक हेरिसकिएको देखिएको छ ।
सिरियामा रुस र टर्कीको रणनीति पछि उत्पन्न परिस्थिति देखि लेबनानको राजनीतिक संकट पनि प्रमुख खबर बनिरहेको छ ।
भारतको महाराष्ट्र र हरियाणा राज्यको चुनावी नतिजा पनि प्राथमिकतामा छ । महाराष्ट्रमा सत्तारुढ भारतीय जनता पार्टीको गठबन्धनले बहुमत ल्याएपनि अघिल्लो चुनावभन्दा कमजोर प्रदर्शन गरेको छ । हरियाणामा भाजपा बहुमतबाट ६ सिटले कम भएको छ ।
बेलायत यूरोपेली युनीयनबाट अलग हुने बेक्जिटको ढिलाईको समाचार पनि प्राथमिकतामा छ । हङकङमा प्रदर्शन भइरहँदाको अन्तर्राष्ट्रिय समर्थन र विरोधका कारण उत्पन्न परिस्थिति पनि बढी हेरिएको समाचारमा परेको छ ।
