पाकिस्तानका पूर्व राष्ट्रपति जनरल परवेज मुर्सरफले आफूलाई फाँसी दिई तीन दिनसम्म संसद भवन बाहिर शव राख्न आदेश दिने अदालतको सम्मान गरेका छन् । दुबईमा रहेका मुर्सरफले आफूले अदालतको जहिले पनि ठूलो सम्मान गरेको बताएका छन् ।
बिहिबार दुबईको अस्पतालबाट भिडियो सन्देश दिदै मुर्सरफले अदालतले निष्पक्ष फैसला नसुनाएको दाबी गरेका छन् । अकुत सम्पत्ति आर्जन गरेको अभियोग लागेका उनले केही व्यक्तिको निहित स्वार्थमा आफूलाई सजाय सुनाइएको बताएका छन् ।
पाकिस्तानको अदालतले गरेको फैसलाप्रति सर्वत्र चासो भएको छ । पाकिस्तानी सेनापति हुँदै सैनिक कू मार्फत् सत्ता हातमा लिएर राष्ट्रपति समेत बन्न सफल परवेज मुर्सरफलाई त्यहाँको अदाललते फाँसीको सजाय सुनाएको थियो । मुर्सरफमाथि लागेको अभियोगमा दोषी ठहर गर्दै उनलाई फाँसी दिएर तीन दिनसम्म संसद भवन बाहिर शव झण्ड्याएर राख्ने आदेश दिएको थियो । उनलाई तत्काल झुण्ड्याउने आदेश दिदै फैसलाको विरुद्ध समेत जान नसकिने आदेश दिएको छ ।
पूर्व सेनापतिलाई सजाय तोकेपछि त्यहाँको सैनिकले असन्तुष्टि जनाएको छ । पाकिस्तानी सेनाले पाकिस्तानलाई अस्थिर बनाउने षड्यन्त्र अनुरुप फैसला सुनाइएको बताएको छ ।
सन् १९९८ मा सेनापतिमा बढुवा भएका परवेज मुर्सरफले १९९९ मा सैनिक कू मार्फत् सत्ता हातमा लिएका थिए । नवाज सरिफलाई हटाएर नौ वर्ष पाकिस्तानमा शासन गरेका थिए ।-एजेन्सी
