काठमाडौं, माघ २५ । पश्चिम नेपालका हिमाली क्षेत्रमा आज हिमपात हुने भएको छ । मध्ये नेपालका केही भागमा भने हल्का वर्षा हुने जल तथा मौसम पूर्वानुमान महाशाखाले जनाएको छ ।
दिउँसो देशका पहाडी भू–भागमा आंशिक देखि सामान्य बदली रही बाँकी भू–भागमा आंशिक बदली रहने छ । देशको पश्चिमी पहाडी भू–भागका थोरै स्थानहरुमा पनि हल्का वर्षा हुने जल तथा मौसम पूर्वानुमान महाशाखाले जानकारी दिएको छ ।
आज राति देशका पूर्व र मध्य पहाडी भू–भागमा आंशिक बदली देखि सामान्य बदलीसहित थोरै स्थानमा हल्का वर्षा हुनुका साथै बाँकी भू–भागमा मौसम सामान्यतया सफा रहने महाशाखाले जनाएको छ ।
