काठमाडौं, फागुन ६ । आज देशको मौसममा आंशिक बदली भई पूर्वी पहाडका एक–दुई स्थानमा पानी पर्ने सम्भावना रहेको छ ।
मौसम पूर्वानुमान महाशाखाका अनुसार भारतको बंगालबाट भित्रिरहेको बादल र नेपालकै स्थानीय बादलको संयोजनबाट पूर्वमा मौसम बदली भएको र पहाडी क्षेत्रका एक दुई स्थानमा हल्का वर्षाको सम्भावना रहेको छ ।
काठमाडौं उपत्यकामा पनि आंशिक बदली हुने र दिनभर घाम लाग्ने सम्भावना नरहेको जारी सुचनामा उल्लेख छ । अहिले देशका अधीकांश पहाडी स्थानहरूमा आंशिक बदली र केहि स्थानमा तुवालो लागेको छ।
यस्तै आज राती देशका पूर्वी र मध्यका पहाडी भू-भागमा आंशिक देखि सामान्य बदली र बाँकि भू-भागमा आंशिक बदली रहने छ। पूर्वी पहाडी भू-भागका एक-दुई स्थानमा हल्का वर्षाको सम्भावना रहेको महाशाखाले बताएको छ ।
