काठमाडौं, ८ फागुन । सञ्चारमन्त्री गोकुल प्रसाद बाँस्कोटाले राजीनामा नदिने अडान लिएका छन् । सेक्युरिटी प्रिन्टिङ प्रेस खरिद प्रकरणमा कमिशनको सेटिङ गरेको अडियो टेप सार्वजनिक भएपछि उनले टेपमा बोल्ने आफू होइन नभनेपनि यसबाट केही फरक नपर्ने बताएका हुन् ।
बाँस्कोटाले टेपबारे आज तीन बजे नियमित पत्रकार सम्मेलनमा बोल्ने बताए । उनले नखाएको विष नलाग्ने भन्दै तथ्य विषयबारे आज जानकारी गराउने बताए ।
मन्त्री बाँस्कोटाले पत्रकार सम्मेलनमा बोल्ने बताइरहँदा उनीमाथि भने राजीनामाको दबाब बढेको छ । सत्तापक्ष र प्रतिपक्षबाट उनीमाथि राजीनामाको दबाब बढेको हो ।
