काठमाडौँ, २२ चैत । नेपालमा रहेका अमेरिकनलाई लिएर अर्को चार्टड विमान काठमाडौंबाट भोली दिउसो १२ बजेर १५ मिनेटमा नेपाल अमेरिका फर्कने भएको छ । नेपालमा रहेका अमेरिकनलाई अमेरिका लैजानका लागि अमेरिकी सरकारले दोश्रो चार्टड विमानका पनि स्वीकृति प्रदान गरेको अमेरिकी दूतावासले जनाएको छ ।
कतार एयरवेजको विमानमार्फत उनीहरुलाई अमेरिका लैजान लागिएको हो । यसपटक बाँकी रहेका र अमेरिका फर्कन इच्छुक रहेका सबै अमेरिकनहरुलाई लैजान सकिने अमेरिकी दूतावासले अपेक्षा गरेको छ । तत्कालका लागि तेश्रो चार्टड विमानको कुनै योजना नरहेको र आइतबारको उडानमा नजाने अमेरिकनहरुलाई व्यवसायिक उडानहरु सुचारु नहुन्जेल नेपालमै घरभित्र बस्न दूतावासले आग्रह गरेको छ ।
काठमाडौं बाहिर रहेका कैयन अमेरिकन नागरिकहरुलाई दूतावासको सहयोगमा हिजोमात्र काठमाडौं ल्याइएको छ । शुक्रबारसम्म काठमाडौं आउन नसकेका अमेरिकनहरुलाई जो जहाँ छ त्यही सुरक्षित तरिकाले रहन दूतावासले आग्रह गरेको छ । ( खसोखास डटकमबाट )
