एजेन्सी, ८ वैशाख । ब्राजिलका राष्ट्रपति जेय बोलसोनेरो फेरि विवादमा आएका छन् । उनी एउटा विरोध कार्यक्रममा सहभागी भएका छन् ।
ब्राजिलमा कोरोना भाइरस महामारी बन्दै जाँदा उनी यस्तो विरोध कार्यक्रममा सहभागी भए जसले सैनिक शासनको समर्थन गर्दै लकडाउनको विरोध गरेको थियो ।
सैनिक मुख्यालयमा सहभागी ६ सय जनाको समूह ब्राजिलियामा आइतबार सहभागी भएका थिए । बोलसोनेरो त्यही कार्यक्रममा पुगेका थिए ।
ब्राजिलका सेनाका पूर्व कप्तान बोलसोनेरोले विगतमा भएको सैनिक शासनको समर्थन गरेका थिए । उनले मास्क लगाएका थिएनन् । बोलसोनेरोको यस्तै विवादास्पद भूमिकाको आलोचना भइरहेको छ ।-Photo Source: AP
