काठमाडौं, ९ वैशाख । देशमा कोरोना भाइरसका संक्रमित ११ जना थपिएका छन् । आज एकै दिन ११ जना संक्रमित बढेसँगै कुल संक्रमित संख्या ४२ पुगेको छ ।
स्वास्थ्य मन्त्रालयका अनुसार संक्रमितहरु १८ देखि ५८ वर्षका ९ पुरुष छन् । दुई महिलामध्ये एकजना ३६ वर्षीया र अर्कीको उमेर खुलेको छैन ।
सबै ११ जना उदयपुरमा संक्रमितको सम्पर्कमा आएकाहरु हुन् । उनीहरुको स्वास्थ्य अवस्था सामान्य रहेको स्वास्थ्य मन्त्रालयले जनाएको छ ।
यसअघि स्वास्थ्य मन्त्रालयका प्रवक्ता डा. विकास देवकोटाका अनुसार उदयपुरमा एकजनाको टेष्ट पोजेटिभ आएको जानकारी दिएका थिए । संक्रमित व्यक्ति ३३ वर्षीय पुरुष हुन् । उनी उदयपुरका हुन् । देशभर ४ जना संक्रमित नीको भई डिस्चार्ज भइसकेका छन् ।
