मुम्बई, बैशाख २४ । भारतमा जारी लकडाउनका कारण यतिबेला बलिउड सेलिब्रेटी समाजिक सञ्जालबाटै मनोरञ्जन दिन थालेका छन् । घरमै रहेका उनीहरु आफ्ना कामदार काममा आउन नपाउदा घरायसी काममा समेत व्यस्त रहेको समाजिक सञ्जालबाट जानकारी दिइरहेका छन् । पूर्व पोर्नस्टार तथा अभिनेत्री सनी लियोनी पनि लकडाउनका कारण आफ्नो घरमा काम गर्ने महिला (बाई) नआएपछि घरको काम गरेर बसेकी छन् ।
उनले लकडाउनका कारण घरको काम गर्न सिकेको समाजिक सञ्जालबाट बताएकी छन् । यतिबेला उनले घरमा यदि जुत्ताको माध्यमबाट कोरोना आएको छ भने त्यसलाई कसरी सफा गर्ने भन्ने उपाय सिकाईरहेकी छन् ।
त्यस्तै घरको बरन्डालाई कसरी सफा गर्ने भनेर उनले एउटा भिडियो नै पोस्ट गरेकी छन् । उनले सो भिडियोमा घरलाई राम्ररी सफा गरेर त्यो भिडियो पनि सामाजिक सञ्जालमा प्रस्तुत गरेकी छन् । उनले घर सफा गर्दै गरेको यो भिडियो यतिबेला सामाजिक सञ्जालमा निकै भाइरल भएको छ ।
