काठमाडौं, बैशाख २६। नेकपा स्थायी कमिटीका सदस्य भिम रावलले पार्टी अध्यक्ष समेत रहेका प्रधानमन्त्री केपी शर्मा ओलीलाई स्थायी कमिटीको बैठक तत्काल नबोलाउने भए सरकारका पछिल्ला कामकारवाही र अध्यादेशका विषयमा छिनोफानो गर्न केन्द्रीय कमिटीमा मतदानमा आउन चुनौती दिएका छन् ।
पत्रकार ऋषि धमलासँग कुरागर्दै रावलले सरकारले गरिरहेका नराम्रा काम र स्वयम प्रधानमन्त्रीले कोरोनाको महामारी चलिरहेका बेला दल विभाजन गर्ने र संवैधानिक परिषदबाट विपक्षीलाई हटाउनुपर्ने अध्यादेश किन ल्याएको हो ? यसका विषयमा स्थायी कमिटीमा छलफल र त्यहाँ नमिले केन्द्रीय कमिटिमा जानुपर्ने धारणा राखेका छन् ।
उनले कोरोना संक्रमणबाट जोगिनका लागि सरकारको आदेश पालन गरेर सवै घरभित्र बसिरहेको अवस्थामा औषधीमा भ्रष्टाचार गर्ने, जनतालाई घरबाहिर आउन नदिएर महोत्तरी पुगेर अपरहणको शैलीमा मान्छे बोकेर आउने र पार्टी विभाजनको काम अगाडी बढाउन खोज्नुको कारण स्थायी कमिटीको बैठकमा दिनुपर्ने बताए ।
रावलले आफुहरुले पार्टी नीति, विधि, विधान र पद्धतीबाट चल्लुपर्यो, कोरोनाविरुद्धको अभियान प्रभावकारी हुनुपर्यो, अध्यादेश फिर्ता भयो तर, यसपछिका घटनाको समितिक्षा गर्नुपर्यो, बजेट र सरकारका नीति तथा कार्यक्रममा छलफल गरौँ भनेर स्थायी कमिटीको बैठकको माग गरेको बताए।
रावलले भने,‘सरकार र पार्टीका कार्यक्रमका विषयमा छलफल हुनुपर्छ । विधि,पदती र प्रणालीमा नेताहरु चल्नुपर्छ । विधान विपरित काम गर्ने व्यक्तिले देश बनाउछु भन्नु गलत हो । बैठक बोलाउँदा प्रधानमन्त्रीले धम्की दिने । यस्ता धम्कीले अव नेकपा रहदैन र हाम्रो अस्तित्व पनि रहदैन । पार्टीका साथीहरुको कुरा नसुनेर प्रधानमन्त्रीले के पार्टी विभाजन गर्न खोज्नु भएको हो ? । व्यक्ति विशेषको लागि मात्रै नेकपा बनेको हैन’।
