काठमाडौं, ६ जेठ । समाजवादी पार्टी, नेपालका सांसद तथा पूर्व प्रधानमन्त्री डा. बाबुराम भट्टराईले प्रधानमन्त्री केपी शर्मा ओलीले आफ्ना कमिकमजोरी स्वीकार्ने र सच्चिने कुनै छाँटकाँट नदेखाएको टिप्पणी गरेका छन् । प्रधानमन्त्री ओलीले आज संसदमा नीति तथा कार्यक्रमाथि सांसदहरुले उठाएका प्रश्न र जिज्ञासाको जवाफ दिएका थिए । प्रधानमन्त्री ओलीको जवाफलाई लिएर नेता भट्टराईले कडा आलोचना गरेका छन् ।
सामाजिक सञ्जाल ट्विटरमार्फत भट्टराईले लेखेका छन्-“प्रम @kpsharmaoli को ३घण्टाको स्पष्टीकरण सुन्दा वहाँमा आफ्ना कमिकमजोरी स्वीकार्ने र सच्चिने कुनै छाँटकाँट देखिएन।कोरोना,राष्ट्रियता,लोकतन्त्रका व्याख्यान सुन्दा अल्पज्ञान र अहंकारको भयंकर ककटेल देखियो।लिपुलेक नक्साको ब्याज भजाएर अकंटक कुशासन चलाउने र देशलाई बर्बादीमा लैजाने बुझियो!” File Photo/Mukunda Kalikote
