काठमाडौं, १४ जेठ । आज पनि कोरोना भाइरसका संक्रमित ठुलो संख्यामा वृद्धि भएको बुझिएको छ । दिनप्रतिदिन संक्रमित संख्या बढिरहेकोमा आज पनि ठुलो संख्यामा वृद्धि भएको तथ्यांक संकलन भइरहेका छन् । त्यसको औपचारिक जानकारी स्वास्थ्य मन्त्रालयले दिने छ ।
विश्वस्त स्रोतका अनुसार संक्रमित संख्या ८ सय नाघिसकेको छ । यसको औपचारिक जानकारी अपरान्हसम्म दिइने बुझिएको छ ।
यसअघि हिजो एकै दिन ९० जना कोरोना भाइरसका संक्रमित थपिएका थिए । अहिलेसम्म कुल संक्रमित संख्या ७७२ रहेको तथ्यांक छ ।
जेठ महिनाभर संक्रमित संख्या ह्वात्तै बढेको छ । ३१ वैशाखमा विना कसैको मृत्यु २४३ कुल संक्रमित संख्या भएकोमा जेठमा संख्या बढेर तेब्बर भएको छ । बितेको १३ दिनमा ५२९ कोरोना संक्रमित बढेका छन् । जसमध्ये ४ जनाको मृत्यु भइसकेको छ ।
