काठमाडौं, १४ जेठ । देशमा एकै दिन कोरोना भाइरसका ११४ संक्रमित थपिएका छन् । यो अहिलेसम्मकै एकै दिनमा थपिएका संक्रमितको उच्च संख्या हो ।
हिजो ९० जना संक्रमित थपिएर रेकर्ड तोडेकोमा आज ११४ थपिएर अर्को रेकर्ड तोडिएको हो । आज थपिएकासँगै कुल संक्रमित संख्या ८८६ पुगेको छ । स्वास्थ्य तथा जनसंख्या मन्त्रालयका प्रवक्ता डा. बिकास देवकोटाका अनुसार महिला ७९ र पुरुष ८०७ पुगेका छन् ।
सबैभन्दा बढी तराईकै जिल्लामा संक्रमित थपिएका छन् । आजसहित ४७ जिल्लामा नयाँ संक्रमित थपिएका छन् ।
देशमा दिनानुदिन संक्रमित थपिएपछि जोखिम बढ्दै गएको छ ।
