काठमाडौं, १८ जेठ । आज ठुलो संख्यामा कोरोना भाइरसका नयाँ संक्रमित थपिएका छन् । देशका सातवटै प्रदेशमा संक्रमित थपिएका छन् ।
थपिएका कोरोना भाइरसका संक्रमितबारे स्वास्थ्य तथा जनसंख्या मन्त्रालयले अहिले सवा चार बजे नियमित पत्रकार सम्मेलन गरी जानकारी गराउने छ । हिजो दैलेखमा र आज विहान बाजुरामा मृत्यु भई कोरोना पुष्टि भएकाको बारे पनि मन्त्रालयले आधिकारिक जानकारी दिने भएको छ ।
हिजो सम्म कुल १४०१ संक्रमित संख्या पुगेका छन् । एकै दिन १८९ कोरोना संक्रमित थपिएका थिए ।
दिनप्रतिदिन कोरोना भाइरसका संक्रमित संख्या बढ्दै गएको छ । सरकारले लकडाउन खुकुलो बनाउँदै जाँदा संक्रमित संख्या थपिदै जानुले त्रास बढेको छ ।
