दाङ, जेठ १९ । महामारीको चपेटामा परेर भारतबाट नेपाल आएका यात्रु बोकेको हाईस दुर्घटनामा परेको छ । नेपालगञ्जनाकाबाट नेपाल प्रवेश गरेर सल्यान आउदै गरेका ११ जनाको उक्त दुर्घटनामा मृत्यु भएको छ । चालकसहित ३३ जना बोकर दाङ गईरहेको ना ५ ख ५९९५ हायस पूर्व–पश्चिम राजमार्ग अन्तर्गत बाँकेको राप्तीसोनारी–२ स्थित श्री जंगलमा गयराती करिव १२ बजे दुर्घटनामा परेकोे हो ।
नेपालगञ्जबाट दाङ हुँदै सल्यान जानलागेको उक्त गाडी रोकिराखेको बा ४ ख ९०६४ नम्बरको ट्रकमा ठोक्किँदा दुर्घटनामा परेको जनाइएको छ ।
दुर्घटनामा परी २२ जना घाइते भएका छन्। घाइतेको नेपालगन्ज उपचार भइरहेको छ। मृत्यु हुनेहरुको पहिचान हुन सकेको छैन। मृतकका शवहरु भेरी अस्पतालमा राखिएको छ ।
