काठमाडौं, २३ जेठ । नेपालमा कोरोना भाइरसका २७८ संक्रमित थपिएका छन् । स्वास्थ्य तथा जनसंख्या मन्त्रालयले आज थपिएको संक्रमितबारे जानकारी दिएको छ ।
मन्त्रालयका प्रवक्ता डा. विकास देवकोटाले कुल संक्रमित संख्या २९१२ पुगेको जानकारी दिएका छन् । उनले संक्रमित थपिएसँगै शतर्क रहन आग्रह गरेका छन् ।
यसअघि हिजो एकै दिन किर्तिमानी ३३४ कोरोना भाइरसका संक्रमित थपिएपछि कुल संक्रमित संख्या २ हजार ६ सय ३४ पुगेको थियो । थपिएकामा पुरुष ३१९ र महिला १५ जना थिए । कुल संक्रमित मध्ये पुरुष २४ सय ५० र महिला १८४ जना छन् ।
