३१४ कोरोना संक्रमि थपिए, कुल संक्रमित संख्या ३७६२

काठमाडौ, २६ जेठ । नेपालमा कोरोना भाइरसका संक्रमित सख्या ३७६२ पुगेको छ । आज ३१४ जना कोरोना भाइरसका संक्रमित थपिएको स्वास्थ्य तथा जनसंख्या मन्त्रालयले जनाएको छ ।

मन्त्रालयका प्रवक्ता डा. जागेश्वर गौतमले संख्या थपिएको जानकारी दिएका हुन् । आज संक्रमित मध्ये २९४ पुरुष र २० जना महिला छन् ।

यसैगरी, आज थप एकजना संक्रमितको मृत्यु पुष्टि भइसकेको छ । स्वास्थ्य मन्त्रालयका प्रवक्ता गौतमले १४ जना संक्रमितको मृत्यु भइसकेको जानकारी दिएका हुन् ।