काठमाडौ, ३ असार । नेपालमा सयौंको संख्यामा कोरोना भाइरसका संक्रमित थपिएका छन् । योसँगै संक्रमित संख्या सात हजार हाराहारीमा पुगेको छ । यसको औपचारिक जानकारी स्वास्थ्य मन्त्रालयले सवा ४ बजे दिने भएको छ ।
देशमा दैनिक सरदर ३ सयभन्दा बढीका दरले कोरोना संक्रमि संख्या वृद्धि हुन थालेको छ । यसअघि ३ सय ८० जना संक्रमित बढेसँगै कुल संक्रमित संख्या ६ हजार ५ सय ९१ पुगेको थियो ।
स् हालसम्म ७३ जिल्लामा संक्रमित पत्ता लागेका छन् । आज थप एकजना कोरोना संक्रमितको मृत्यु भएको छ । यसको पनि औपचारिक जानकारी आउने भएको छ । हालसम्म कोरोनाबाट मुत्यु हुनेको संख्या २० जना पुगेको छ ।
