काठमाडौं, १६ असार । नेपालमा कोरोना भाइरसको संक्रमित संख्या साढे १३ हजार नाघेको छ । आज ३ सय १६ जना कोरोना भाइरसका संक्रमित थपिएको स्वास्थ्य तथा जनसंख्या मन्त्रालयले जानकारी दिएको छ ।
मन्त्रालयका प्रवक्ता डा. जागेश्वर गौतमका अनुसार आज थपिएकामा २४५ पुरुष र ७१ महिला छन् । योसँगै कुल संक्रमित संख्या १३ हजार ५ सय ६४ पुगेको छ । जसमध्ये पुरुष ११ हजार ९ सय ७ र महिला १६ सय ५७ पुगेको छ ।
हालसम्म २९ जना कोरोना संक्रमितबाट मृत्यु भएकामा २३ पुरुष र ६ महिला छन् । देशका सबै जिल्लामा संक्रमित भेटिइसकेका छन् ।
