प्यूठान, साउन ४ । प्यूठानमा ट्याक्टर दुर्घटना हुदा ७ जनाको मृत्यु भएको छ । जिल्लाको स्वर्गद्वारी नगरपालिका ३ रुमालेमा लु २ च ४२३४ नम्वरको ट्याक्टर दुर्घटना हुँदा सात जनाको मृत्यु भएको जिल्ला प्रहरी कार्यालय प्यूठानले जनाएको छ ।
मृत्यु हुने सबै रोल्पाका रहेको र पहिचान खुल्न नसकेको प्रहरीले जनाएको छ ।राती १२ बजेको समयमा भएको दुर्घटनामा ज्यान गुमाउनेहरु संक्रान्ती मानेर फर्कनेहरु रहेका छन् । दुर्घटनामा एक जना भने बाच्न सफल भएका छन् । ट्याक्टर सडकबाट अन्दाजी ५०० मिटर तल छ ।
अहिले नेपाली सेना र नेपाल प्रहरीबाट उद्दार कार्य भइरहेको छ । घटनाको बिस्तृत विवरण आउन बाँकि छ ।
