काठमाडौं, ११ साउन । के तपाईं मास्क नलगाई सार्वजनिक स्थानमा निस्कनुभएको छ ? सडकमा सवारीमा यात्रा गर्दै या चलाउँदै हुनुहुन्छ ? छ भने कारबाहीमा पर्नुहोला !
सरकारले मास्क नलगाई हिंड्नेमाथि कारबाही गर्न निर्देशन दिएको छ । गृह मन्त्रालयले ७७ जिल्लाका जिल्ला प्रशासन कार्यालहरुमा परिपत्र नै गरेर मास्क नलगाउनेविद्ध कडा कदम चाल्न निर्देशन दिएको हो ।
कोरोना भाइरसको जोखिमलाई दृष्टिगत गरी सरकारले अनिवार्य मास्क प्रयोग गर्न भन्दै आएको छ । तर, यसको पूर्ण पालना नभएकाले सरकारले कडा निर्देशन दिदै कारबाही सम्मको नीति लिएको हो ।
