काठमाडौं, २५ साउन । आज पनि काठमाडौं उपत्यकासहित देशभर ठुलो संख्यामा कोरोना भाइरसका संक्रमित थपिएका छन् । आज थप संक्रमितको मृत्यु पुष्टि भएको छ । आज संक्रमित थपिएसँगै कुल संक्रमित संख्या २३ हजार नजिक पुगेको छ । यसको औपचारिक जानकारी अपरान्ह सवा चार बजे स्वास्थ्य मन्त्रालयले प्रेस ब्रिफिङमार्फत् जानकारी दिनेछ ।
हिजोसम्म २२ हजार ५ सय ९२ संक्रमित संख्या पुगेको थियो । ७३ जनाको मृत्यु भएको थियो । आज थप संक्रमितको मृत्यु समेत भएको छ ।
कोरोना महामारी फैलन नदिने सरकारले काठमाडौं उपत्यकालगायत देशका मुख्य शहरहरुमा लकडाउन, आंशिक लकडाउन र निषेधाज्ञा समेन जारी गरेको छ । काठमाडौंमा आजबाट सटडाउन गरिएको छ ।
