ललितपुर, १९ भाद्र । पुल्चोकमा हिजो मच्छिन्द्रनाथको रथ जर्बजस्ती तान्न खोजेको भन्दै नियन्त्रणका लागि पुगेका प्रहरीमध्ये १८ जनालाई कोरोना भाइरसको संक्रमण भएको पत्ता लागेको छ । उनीहरुको दंगा नियन्त्रणका लागि खटिनु अगावै स्वाब संकलन भएको र त्यसको रिपोर्ट आज आएको थियो ।
रिपोर्ट आउँदा १८ जनामा संक्रमण पुष्टि भएको छ । स्वाब संकलन गरिएपनि उनीहरुलाई हिजो आकस्मिक रुपमा पुल्चोकमा भीड नियन्त्रणका लागि खटाइएको थियो ।
बिहिबार मच्छिन्द्रनाथको रथ तान्न पुगेका युवाहरुलाई प्रहरीले रोक्न खोज्दा भिडन्त भएको थियो । त्यस क्रममा प्रहरी र रथ तान्ने समुह दुवैतर्फ केही घाइते भएका छन् ।-File photo
