वीरगंज, ७ असोज । मोटरसाइकल दुर्घटनामा बाराका एकजना युवकको मृत्यु भएको छ । बुधवार राति बाराको कलैया उपमहानगरबाट बघवनतर्फ जाँदै गरेको भे.६ प ४३५७ नम्बरको मोटरसाइकल कलैया–९ रामपुरस्थितमा रोकिएको बा.२० च ४९९३ नम्बरको पिकअप गाडीमा ठोक्किंदा मोटरसाइकल चालक सिम्रौनगढ नगरपालिका–६ निवासी २३ वर्षीय अभिषेक महतोको मृत्यु भएको जिल्ला प्रहरी कार्यालय, बाराका प्रवक्ता गौतम मिश्रले जनाएका छन् ।
दुर्घटनामा घाइते चालकलाई कलैया अस्पतालमा ल्याउने क्रममा बाटोमा मृत्यु भएको प्रहरीले जनाएको छ । घटनाबारे अनुसन्धान भइरहेको र मृतकको शव पोस्टमार्टमको लागि कलैया अस्पतालमा राखिएको प्रवक्ता मिश्रले बताए ।
