एजेन्सी, १६ असोज । आर्सेनलले लिभरपुललाई पराजित गर्दै काराबाओ कपको क्वाटरफाइनलमा स्थान पक्का गरेको छ । गएराति सम्पन्न खेलमा आर्सेनलले पेनाल्टी सुट आउटमा लिभरपुललाई पराजित गरेर अन्तिम आठमा स्थान बनाएको हो ।
निर्धारित समयमा खेल गोलरहित बराबरीमा पुगेपछि पेनाल्टीबाट हारजीतको टुंगो लागेको हो । आर्सेनलका गोलकिपर बर्नड लेनोले दुईवटा पेनाल्टी बचाएपछि जीत पक्का गरेका थिए ।
यसअघि इंग्लिस प्रिमियर लिगमा लिभरपुलसँग हारको बदला आर्सेनलले काराबाओ कपमा लिएको छ ।-तस्वीरः एजेन्सी
