काठमाडौं, ४ कात्तिक । विश्वभर कोरोना भाइरसको संक्रमणबाट मृत्यु हुनेको संख्या ११ लाख २२ हजार नाघेको छ । पछिल्लो तथ्यांक अनुसार संक्रमितको संख्या ४ करोड ६ लाख नाघेको छ ।
विश्वभर दैनिक तीन लाखका दरले संक्रमित संख्या बढिरहेको छ । पछिल्लो तथ्यांक अनुसार हालसम्म तीन करोड तीन लाख संक्रमण मुक्त भएका छन् । ९१ लाख सक्रिय संक्रमित संख्या छ ।
विश्वमा सबैभन्दा बढी अमेरिकामा ८४ लाख संक्रमित भएका छन् । जसमध्ये २ लाख २५ हजारको मृत्यु भइसकेको छ ।
भारतमा ७५ लाख संक्रमितमध्ये एक लाख १५ हजारको मृत्यु भइसकेको छ । ब्राजिलमा ५२ लाख संक्रमित संख्या मध्ये एक लाख ५४ हजारको मृत्यु भएको छ ।
