एजेन्सी, ५ कार्तिक। पृथ्वीमा ५ जी को विकास भएर प्रविधिले फड्को मारिरहेका बेला अब ४जीले चन्द्रमामा नेटवर्क बनाउने भएको छ । मोबाइल कम्पनी नोकिया सँगको सहकार्यमा नासाले चन्द्रमामा ४ जी नेटवर्कको सुविधा सुरु गर्न लागेको हो।
नोकियाले अन्तरिक्षमा पहिलो वायरलेस ब्रडब्यान्ड कम्यूनिकेशन सिस्टम सन् २०२२ को अन्त्यसम्ममा चन्द्रमाको सतहमा बनाइसक्ने बताएको छ ।
कम्पनीका अनुसार, अमेरिकी अन्तरिक्ष एजेन्सीको भविष्यका लागि योजना बनाइरहेको छ कि, मान्छे चन्द्रमामा फेरि जान सक्नेछन् र बस्ती बसाउन सक्नेछन् ।
कम्पनीले यसका लागि टेक्सस बेस्ड स्पेस क्राफ्ट डिजाइन कम्पनी इन्टुएटीभ मेशीनहरुका साथ साझेदारी गर्नेछ, जसले नोकियाको इक्वीपमेन्ट चन्द्रमामा पुर्याउनेछ ।
कम्पनीका अनुसार, यो नेटवर्कले अन्तरिक्ष यात्रीहरुलाई आवाज र भिडियो कम्यूनिकेशन गर्ने सुविधा प्रदान गर्नेछ ।
नेटवर्कले चन्द्रमामा ४जी(एलटीई कम्यूनिकेशन सिस्टम स्थापित गर्नेछ । यसै प्रयोजना अन्तर्गत नोकियाको औद्योगिक अनुसन्धान तथा वैज्ञानिक विकास कम्पनी बेल ल्याब लाई १४.१ मिलियन डलर प्रदान गरेको छ ।
यसैगरी नासाले चन्द्रमाको सतहमा प्रविधि विस्तार गर्न एक दर्जन भन्दा बढी कम्पनीहरुलाई ३७० मिलियन डलर प्रदान गरेको थियो।
यी आविष्कारहरुमा रिमोट पावर उत्पादन, रोबोटिक्स, सुरक्षित ल्यान्डिङ, ४ जी नेटवर्कको सुविधा जस्ता प्रविधि समावेश गरिएको थियो।
नासाको अनुसार ४ जी नेटवर्कले चन्द्रमामा रहेको हालको रेडियो मानकहरु भन्दा बढी भरपर्दाे र लामो दुरीको सञ्चार प्रदान गर्न सक्छ। यो नेटवर्कपछि पृथ्वीमा जस्तै ५जी नेटवर्कमा पनि अपग्रेड हुनेछ ।
नासाले सन् २०२८ सम्म चन्द्रमामा मानव उपस्थिति कायम गर्ने लक्ष्य राखेको छ ।
यो नेटवर्क चन्द्रमा सतहलाई ध्यानमा राखेर डिजाइन गरिएको छ र चन्द्रमामा रकेट ल्यान्ड गर्ने क्रममा पनि राम्रोसँग चल्नेछ ।-मेरोलगानी/Photo: Agency
