काठमाडौं, ९ कात्तिक । विश्वभर कोरोना भाइरसको संक्रमित संख्या ४ करोड २९ लाख नाघेको छ । हिजो ४ करोड २४ लाख संक्रमित संख्या रहेकोमा बितेको २४ घन्टाभित्र पाँच लाख नयाँ संक्रमित थपिएका छन् ।
पछिल्लो तथ्यांक अनुसार संक्रमितमध्ये ११ लाख ५४ हजारको मृत्यु भएको छ । ३ करोड १६ लाख संक्रमणमुक्त भएका छन् । विश्वभर एक करोड सक्रिय संक्रमित रहेका छन् ।
अमेरिकामा ८८ लाख संक्रमितमध्ये २ लाख ३० हजारको मृत्यु भएको छ । भारतमा ७८ लाख संक्रमितमध्ये एक लाख १८ हजारको मृत्यु भएको छ । ब्राजिलमा ५३ लाख संक्रमितमध्ये एक लाख ५६ हजारको मृत्यु भइसेको छ ।
