काठमाडौं, २३ कार्तिक । सत्तारूढ नेपाल कम्युनिष्ट पार्टी (नेकपा) का प्रभावशाली नेता, सांसद तथा पूर्वमन्त्री गोकुल प्रसाद बाँस्कोटाले पार्टी नेतृत्व नयाँ पुस्तालाई हस्तान्तरण गर्ने प्रक्रिया सुरु गर्न माग गरेका छन् । सामाजिक सञ्जाल ट्विटरमार्फत बाँस्कोटाले यस्तो आग्रह गरेका हुन् ।
उनले लेखेका छन्,‘नयाँपस्तालाई नेतृत्व हस्तान्तरण गर्ने प्रकृया पार्टी सचिवालयमा पुरानाभन्दा नयाँपस्ताका नेताहरुकाे वाहुल्यता रहनेगरी सचिवालयकाे पुनर्गठनबाट सुरुगराै।कमसेकम दुई कार्यकालका झन्झटपुर्ण खेल खतम।’ हिजोमात्रै प्रधानमन्त्री तथा पार्टी अध्यक्ष केपी शर्मा ओलीले पार्टी अब युवा पुस्तालाई हस्तान्तरण गर्नुपर्नेमा जोड दिएका थिए । एपीवान टेलिभिजनबाट प्रसारण भएको एक कार्यक्रममा उनले यस्तो विचार राखेका थिए ।
