काठमाडौं, २६ कात्तिक। काठमाडौं उपत्यकामा आज एकै दिन १२ सय ६१ जना कोरोना संक्रमित थपिएका छन् । देशभर २५ सय ६९ जनामा कोरोना पुष्टि भएकोमा काठमाडौमा मात्रै १२ सय ६१ जना थपिएसँगै जोखिम बढेको छ । स्वास्थ्य मन्त्रालयले जारी गरेको सुचनामा १० हजार ८१ जनाको पिसीआर परिक्षणमा २५ सय ६९ जनाको रिर्पोट पोजेटिभ आएको हो ।
त्यसैगरी आज २४ घन्टामा १६६६ जना कोरोना संक्रमण मुक्त भई घर फर्केका छन् । आजसम्म निको भई घर फर्कनेको सख्या १ लाख ६२ हजार २ सय ४३ रहेको छ । देशभर कुल संक्रमितको सख्या २ लाख २ हजार ३ सय २९ पुगेको छ ।
