काठमाडौं, २१ माघ । नेपाली सेनाले वख्तरवन्द आज विहानै सडकमा उतार्यो । आठ वटा पृतनाहरुबाट वख्तरवन्द निकालिएको हो ।
उपत्यकामा सेनाको वख्तरवन्द कोटेश्वरबाट अरनिको राजमार्ग हुँदै पाँचखाल निस्किएको हो । विहान उज्यालो नहुँदै पाँचखालतर्फ लागेको वख्तरवन्द विहानै पुगेको हो । वख्तरवन्द आज राति काठमाडौं फर्कने छ ।
यसअघि १९ माघको राति पनि सेनाले चक्रपथमा वख्तरवन्द निकालेको थियो । यसबारे सेनाले अग्रिम जानकारी समेत गराएरको थियो ।
आज देशका प्रमुख शहरहरुमा सेनाका वख्तरवन्द निकाल्यो । ८ वटै पृतना अन्तर्गतका मेकानाइज्ड युनिटहरुबाट वख्तरवन्द गाडीहरुको अभ्यास गर्ने योजना अनुसार निकालिएको सेनाले जनाएको छ । देशका प्रमुख राजमार्गहरुमा सेनाको वख्तरवन्द निकाल्नुलाई अहिलेको राजनीतिक संकटसँग पनि जोडेर हेरिएको छ ।
