काठमाडौं, २२ माघ । नेपाली सेनाले २ सय जना अधिकृत क्याडेट ‘सेकेन्ड लेफ्टेनेन्ट’ का लागि नयाँ भर्ना खुलाएको छ । सेनाको भर्ना छनौट निर्देशनालय, कार्यरथी विभाग जंगी अड्डाले आजको गोरखापत्रमा सूचना प्रकाशित गर्दै विज्ञापन आह्वान गरेको हो ।
१२ को परीक्षाको नतिजा प्रकाशित भएलगत्तै सेनाले विज्ञापन आव्हान गरेको हो । विज्ञापन अनुसार सेनाले खुलातर्फ १ सय ५ पद खुलाएको छ । समावेशी तर्फ १८ महिला, २९ आदिवासी जनजाती, २५ मधेशी, १४ दलित, ५ अमर सैनिक सन्तती र ४ पद पिछडिएको क्षेत्रका लागि आरक्षणसहित दरखास्त आव्हान गरेको हो ।
दरखास्त आव्हानका लागि न्युनतम प्रमाणपत्र तह वा सो सरह उतीर्णले दरखास्त दिन सक्ने छन् । दरखास्तका लागि उमेर हद र शारीरिक अवस्थालगायतबारे पनि जानकारी दिइएको छ । फागुन २१ गतेसम्म दरखास्त दिन सकिने सेनाले जनाएको छ ।
