काठमाडौं, फागुन १२ । नेपाल कम्युनिस्ट पार्टी (नेकपा) को माधव(प्रचण्ड पक्षले आज संसदीय दलको बैठक बोलाएको छ। मंगलबार सर्वोच्च अदालतले संसद पुनःस्थापनाको फैसला गरेसँगै आज दिउँसो ४ बजे पार्टी कार्यालय पेरिसडाँडामा बस्नेगरि संसदीय दलको बैठक बोलाईएको हो ।
बैठकमा प्रतिनिधि सभा र राष्ट्रिय सभाबाट प्रतिनिधित्व गर्ने सांसदहरुलाई बोलाइएको छ। त्यस्तै, नेकपा अध्यक्ष एवम् प्रधानमन्त्री केपी शर्मा ओलीले स्थायी समिति बैठक बोलाएका छन्। पार्टी विभाजनपछि ओली पक्षले पहिलो पटक स्थायी समितिको बैठक डाकेको हो । बैठक अहिले बिहान ११ बजेका बस्ने तय भएको छ ।
