काठमाडौं, २९ वैशाख । कोरोना भाइरसको महामारीले अक्सिजन अभाव भइरहँदा कालोबजारी शुरु भएको छ । अक्सिजन सिलिन्डरको कालोबजारी शुरु भएको छ ।
विगतमा ६ हजार रुपैयाँमा पाइने अक्सिजन सिलिन्डर ३० हजार भन्दा बढी रकममा कालोबजारी हुन थालेको हो । अक्सिजनको अभावमा धमाधम कोरोना संक्रमितको मृत्यु हुनलाग्दा सिलिन्डरको अभाव भइरहेको छ ।
सिलिन्डरको अभाव बढेपछि कालोबजारी गर्नेहरुले ३० हजार रुपैयाँ देखि ५० हजार रुपैयाँसम्ममा कालोबजारी गर्न थालेका छन् ।
यसैगरी, अक्सिजनका लागि उत्पादन कम्पनीमै पुगेर उपभोक्ता अक्सिजन भर्न थालेका छन् । त्यसका लागि उनीहरुले माथिल्लो निकायसम्म भनसुन गर्न पर्ने अवस्था बढेको छ ।-फाइल तस्बिर
