काठमाडौं, ३१ जेठ । आज नेपालमा कोरोना भाइरसका २ हजार ९ सय १८ जना संक्रमित थपिएका छन् । योसंगै कुल संक्रमितको संख्या ६ लाख १० हजार ५ सय २१ पुगेको स्वास्थ्य तथा जनसंख्या मन्त्रालयले जनाएको छ ।
आज ५ हजार १४७ जना संक्रमणमुक्त भएका छन् । हालसम्म नेपालमा ५ लाख ३६ हजार २ सय ५२ जना संक्रमणमुक्त भएका छन् । मन्त्रालयको अनुसार आज १४ हजार ८ सय १९ परीक्षणमा ९ हजार ४३८ जना पिसीआर विधिबाट र ५३ सय ८१ जना एन्टिजेन विधिबाट पुष्टि भएको हो ।
आज थपिएका संक्रमित मध्ये काठमाडौं उपत्यकामा मात्रै ६ सय ७ जना थपिएको स्वास्थ्य मन्त्रलायले जनाएको छ । २४ घन्टामा काठमाडौँमा ३९६, ललितपुरमा १४५ र भक्तपुरमा ६६ संक्रमित थपिएका हुन् । स्वास्थ्य मन्त्रालयको अनुसार देशभर ६५ हजार ८०४ जना संक्रिय सक्रमितको संख्या रहेको छ ।
