काठमाडौं, २३ असार । नेकपा (एमाले) को कार्यदलको बैठक सुरु भएको छ । सिंहदरबारस्थित् अर्थ मन्त्रालयको हलमा बैठक सुरु भएको हो । कार्यदलको बैठक पछिल्लो तीन दिनदेखि लगातार चलिरहेको छ । पार्टीभित्रको विवाद समाधानको लागि कार्यदल सक्रिय भएको छ ।
पछिल्लो समय पार्टी एकता कायम गर्नको लागि दुवै पक्ष गम्भीर भएर वार्ता तथा छलफलमा जुटेका छन् । तर, दुवै पक्षको अडान कायमै रहेकोले सहमति भने हुन सकेको छैन् । अध्यक्ष केपी शर्मा ओलीले शेरबहादुर देउवालाई प्रधानमन्त्री बनाउनको लागि गरेको हस्ताक्षर फिर्ता लिनको लागि भनेको छ । तर, नेपाल पक्षले भने कुनैपनि हालतमा हस्ताक्षर फिर्ता नलिने अडान लिएको छ ।
कार्यदलमा अध्यक्ष ओलीको तर्फबाट विष्णु पौडेल, सुवास नेम्वाङ, प्रदीप ज्ञवाली, शंकर पोखरेल र विष्णु रिमाल छन् । उता, नेपाल पक्षबाट भने भीम रावल, सुरेन्द्र पाण्डे, घनश्याम भुषाल, रघुजी पन्त र गोकर्ण विष्ट छन् । तर, आजको बैठकमा नेपाल पक्षबाट भीम आचार्य पनि सहभागी छन् । file photo
