काठमाडौँ, ३१ असार । आज देशभर २६ सय ७६ कोरोना संक्रमित थपिएका छन् । थपिएका संक्रमित मध्ये काठमाडौं उपत्यकामा मात्रै ५ सय ५३ जना थपिएको स्वास्थ्य मन्त्रलायले जनाएको छ ।
२४ घन्टामा काठमाडौँमा ३३९ , ललितपुरमा १३४ र भक्तपुरमा ८० संक्रमित थपिएका हुन् । काठमाडौं, ३१ असार । कोरोना संक्रमणबाट आज थप ३३ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ९ हजार ४ सय ६३ पुगेको छ ।
आज नेपालमा कोरोना भाइरसका २ हजार ६ सय ७६ जना संक्रमित थपिएसंगै कुल संक्रमितको संख्या ६ लाख ६२ हजार ५ सय ७० पुगेको छ ।
आज १ हजार ७ सय ५७ जना संक्रमणमुक्त भएका छन् । हालसम्म नेपालमा ६ लाख २६ हजार ४ सय ६८ जना संक्रमणमुक्त भएका छन्् । मन्त्रालयको अनुसार आज १२ हजार ७ सय ६८ जनाको परीक्षणमा पिसीआर विधिबाट १७ सय ८२ र एन्टिजेन विधिबाट ८ सय ९४ जनामा संक्रमण पुष्टि भएको हो ।
