काठमाडौं, १२ कात्तिक । फ्रेन्च लिग वान अन्तरगत आज राति हुने खेलमा पीएसजी र लिले बीच भिडन्त हुँदैछ । आज राति हुने खेल नेपाली समय अनुसार १२ः४५ बजे सुरु हुनेछ ।
पीएसजीको घरेलु मैदानमा हुने आजको खेल पीएसजीका फरवार्ड काइलियन एमबाप्पेले भने गुमाउने पक्का भएको छ । उनको घाँटी र कानमा केहि समस्या आएको भन्दै उनी आजको खेलमा मैदान प्रवेश नगर्ने पीएसजीले जनाएको छ ।
साथै, मसलमा केहि समस्या देखिएका लियोनल मेसी पनि प्रशिक्षणमा नगएको कारण उनले पनि खेल गुमाउन सक्ने आशंका गरिएको छ । यस्तै, पीएसजीका अन्य खेलाडी पनि चोट ग्रस्त भएको कारण आजको खेल के होला भन्ने चाँसोको विषय भएको छ ।
११ खेलमा ९ जित १ हार र १ बराबरीका साथ २८ अंक जोडेको पीएसजी शीर्ष स्थानमा रहेको छ । साथै, १०औं स्थानमा रहेको लिलेले ११ खेलमा ४ जित ४ हार र ३ बराबरीसँगै १५ अंक जोडेको छ । घरेलु मैदानमा पिएसजी जित निकाल्नेमा ढुक्क छ भने लिलेपनि केहि प्रभावशाली खेलाडीको अनुपस्थिती भएमा फाइदा लिने दाँउमा रहेको छ ।-Photo: Agency
