काठमाडौं, १६ कात्तिक । नेपालमा हालसम्म ८ लाख १३ हजार ११ जना कोरोना संक्रमित भएका छन् । स्वास्थ्य तथा जनसंख्या मन्त्रालयको अनुसार कुल संक्रमित मध्ये ७ लाख ९२ हजार २ सय ७७ जना संक्रमणमुक्त भइसकेका छन् ।
सोमबार ११ हजार ६ सय ६४ जनाको नुमना परीक्षणमा ५ सय ३३ जनामा संक्रमण पत्ता लागेको थियो । त्यस्तै, पछिल्लो २४ घन्टामा ४९० जना कोरोनामुक्त भएका छन् । हिजो एकैदिनमा कोरोना भाइरसविरुद्धको खोप लगाउनेको संख्या ६५ हजार २८ रहेको मन्त्रालयले जनाएको छ ।
त्यसैगरी, ९ हजार ३ सय १८ जना संक्रमितको देशभर उपचार भैरहेको छ । सोमबार ९ जनाको मृत्यु भएसँगै नेपालमा कुल मृतकको संख्या ११ हजार ४ सय १६ पुगेको छ ।
