काठमाडौं, ११ मंसिर । वाई–वाई यु–१९ पुरुष राष्ट्रिय क्रिकेट प्रतियोगितामा गण्डकी प्रदेशले पहिलो जित निकालेको हो ।
टियु क्रिकेट मैदानमा आज भएको खेलमा कर्णाली प्रदेशलाई ३ विकेटले पराजित गर्दै गण्डकीले पहिलो जित हात परेको हो ।
कर्णालीले दिएको १ सय १४ रनको लक्ष्य गण्डकीले २६ दशमलब ५ ओभरमा ७ विकेट गुमाएर पुरा गरेको हो ।
गण्डकीको जितमा दिपक डुम्रेले सर्वाधिक ३४ रन बनाए ।
कर्णालीका लागि सन्दीप शाही र निश्चल रावलले समान २÷२ विकेट हात पारेका थिए ।
यस अघि टस हारेर पहिले ब्याटिङ गरेको कर्णाली २८ ओभरमा अल आउट हुदै १ सय १३ रन मात्र जोड्न सक्यो ।
कर्णालीका लागि प्रकाश जैसीले सर्वाधिक २६ रन जोडेका थिए ।
गण्डकीका किरण पौडेलले सर्वाधिक ३ विकेट लिएका थिए ।
