काठमाडौं, मंसिर १७ । भदौ ३० गतेदेखि सञ्चालित कक्षा १२ को परिक्षाको नतिजा आज सार्वजनिक हुने भएको छ । अहिले केहिबेरमा राष्ट्रिय परीक्षा बोर्डको बैठक बसेर नतिजा आजै सार्वजनिक गर्नेबारे निर्णय लिने जनाईएको छ ।
कक्षा १२ को परीक्षा गत भदौ ३० गतेदेखि असोज ८ गतेसम्म सञ्चालन भएको थियो । बोर्डका परीक्षा नियन्त्रक कृष्ण शर्माका अनुसार उत्तर पुस्तिका परीक्षणबाट प्राप्त नतिजालाई परीक्षण तथा तालिकीकरणको काम केहि दिन पहिले नै सकिएको छ ।
कोभिड १९ को महामारीका कारण परीक्षाको तालिका सार्वजनिक गरेर पनि दुई पटक स्थगित भएको थियो । परीक्षामा मुलुकभरबाट तीन लाख ७५ हजार परीक्षार्थी सहभागी छन् ।
