काठमाडौं, १ पोष । इंग्लिस प्रिमियर लिग फुटबलमा आर्सनलले वेस्ट ह्याम युनाईटेडमाथि सहज जित निकालेको छ ।
बुधबार राति भएको खेलमा आर्सनलले वेस्ट ह्यामलाई २–० गोल अन्तरले पराजित गरेको हो ।
खेलको ४८औं मिनेटमा गाब्रियल मार्टिनेलीले गोल गर्दै आर्सनललाई सुरुआती अग्रता दिलाए ।
६७औं मिनेटमा भ्लादमिर काउफलले रातो कार्ड पाएपछि वेस्ट ह्याम १० खेलाडीमा समेटिएको थियो ।
यस्तै, खेलको ८७औं मिनेटमा इमिलले गोल गर्दै आर्सनललाई २–० को जित दिलाए ।
यस जितसँगै आर्सनल १७ खेलमा २९ अंक जोड्दै चौंथो स्थानमा उक्लिएको छ ।
२८ अंक जोडेको वेस्ट ह्याम पाँचौं स्थानमा झरेको छ ।
